Feddie Ocean Distillery er eit destilleri på Fedje, som blei etablert i 2019. Vi er den einaste brennevinsprodusenten i Norge som produsera 100 % sertifisert økologisk.

Vi har fått mest merksemd kring vår gin, Nine Sisters Ocean Gin, men det er whiskyproduksjon som er kjerna i verksemda vår. Kvar dag brygger, fermentera og destillerar vi maltsprit som vi legg på tønner for modning, og vi har per i dag rundt 650 tønner som ligg til modning på fatlageret vårt, på gamle Fedje Mekaniske Verksted. Å produsere whisky krev at vi har eit langt tidsperspektiv i alt vi gjer, ettersom whisky tar minimum tre år frå spriten blir fylt på fat til den kan tappast på flasker som whisky. Vi er glade i å eksperimentere, og gjer ei rekke forsøk med ulike typer malt og gjærstammar, i tillegg til dei ulike fattypane vi bruker.