Skøssn Gard på Skotsund i Alver kommune har i sju generasjonar vore i same familie sidan 1794, og vert i dag driven av Karin Feste og Svein Kvamme.

Karin og Svein overtok garden i 2014, og det blei tidleg kjøpt inn kasjmirgeit for å rydda i busker og kratt då det ikkje hadde vore dyrehald på garden sidan midten på 70-tallet. Etterkvart har geitebestanden sakte men sikkert økt, og i dag er det 14 vinterfôra geiter på garden.

​

I 2019 starta me rydding av gjengrodd inn og utmark for planting av frukttre, og me har i dag ca. 1300 epletre i tillegg til noko plomme og morelltre. I løpet av dei neste to åra vil me i tillegg planta 500-600 nye epletre. Hovudsortene av eple er Discovery og Aroma, men me har og ein del Nanna som er ein tidleg sort, og Rubinstep som er ein seinare sort. I tillegg har me ein del sortar som me vil prøva ut, blant anna Golden Delicious, Elstar og Leiknes som er ein lokal eplesort.

​

Sommaren 2023 starta me arbeidet med å setta opp ein ny driftsbygning på garden. «Safthuset» vert eit 200m² stort lokale for vidareforedling av frukt frå garden.