I Nordhordland har vi alt som skal til for å kunne skape framtidig livskraftig næring av lokalmat. Vi har historia om landskapet, gardane, havet, menneska, råvarene, oppskriftene, tradisjonane og den handlingsborne kunnskapen. Smak av Nordhordland UNESCO Biosfære set eit etterlengta fokus på lokalmat frå Nordhordland. 

​

Vi har eit fantastisk mangfald av dyktige lokalmatprodusentar i biosfæreområdet. Næringa bidrar ikkje berre til tilgang  på lokale råvarer og lokal mat, men òg til utvikling av landbruksnæringa, bevaring av naturlandskap og ivaretaking av våre mattradisjonar og matkultur. 

 

 Smak av Nordhordland UNESCO Biosfære:

• Er lokalmatprodusentar frå kommunane: Alver, Austrheim, Fedje, Gulen, Masfjorden, Modalen, Osterøy og Vaksdal. 

• Er lokalmatprodusentar som ha fokus på berekraftig matforedling.

• Er lokalmatprodusentar som ynskjer å skape utvikling og innovasjon

• Er lokalmatprodusentar som  fremmer Nordhordland UNESCO Biosfære  og mattradisjonane herifrå.